كان في وخلص

مــرحبا بــك يــا زائر ° ˚◦ღ فـى مــــنــتـديــاتــ كانـ فى وخلصـــ ஓ ◦˚°
 
الرئيسيةالبوابةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 يعنــــى ايــــه Rap

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الرايق
Admin
Admin


ذكر
عدد الرسائل : 169
العمر : 24
تاريخ التسجيل : 18/07/2008

مُساهمةموضوع: يعنــــى ايــــه Rap   الثلاثاء يوليو 29, 2008 9:12 am

يعنــــى ايــــه Rap

ايـــــــــــــه هــــــــو الــــــــــــــــ RAP ــــــــــــــراب



اولا وقبل اى حاجه .......
انا عامل الــ Topic ده عشان اللى ميعرفش يعنى ايه راب ... و عشان كمان فيه ناس عايشه فى الدور و هما اصلا ميعرفوش الدنيا ماشيه ازاى ..... و يقولك انا بس اللى بفهم و الناس كلها غلط

ماعلينا .......




الراب و الهيب هوب عالم تتخبط امواجه بين الكثير من المشاعر , تجده احيانا ملىء العنف .. العصابات .. المخدرات .. القتل و حتى الكراهيه . و أحيانا تجده ملىء بالألم .. الحزن .. المعاناه .. الإضطهاد . و أحيانا تحس فيه بالأسره .. المبدأ .. الرعايه .. التقدير .. الامتنان .
بعد ما تخلص قراءه الموضوع ده انا اوعدك انك هتكون عرفت يعني ايه راب .... و اوعدك كمان انك هتسمع معظم الأغاني و تحبها .... و المره الجايه اللي هتحط فيها playlist راب هتعحطه عشان تسمع بجد مش بس عشان تهز دماغك .... و قال على راى المثل ... الراب مش اى حاجه و لا اى هجص ... ههههههههههه


[center]


ايه هو الراب ؟؟؟

Rapping-Emceeing , MCing , spitting or even rhyming

هو التحدث بقافيه معينه و هو ايضا تسليم القوافي و التلاعب بالألفاظ حتى تتماشى مع القافيه , من عناصر الراب الأساسيه الموسيقى و أيضا الثقافه و هنتوسع في هذه العناصر قدام شويه .


و كلمه راب لها الكثير من الأصول و المصادر أهمها التالي :

كلمه RAP هي اختصار لجملة "Rhythmic African Poetry" و الجمله تعني " الشعر الأفريقي المقفى " و ده لأن الراب أصوله افريقيه .
2- و بما أن الراب يعتمد في معظمه على السرعه في الإلقاء فكلمه Rapid البريطانيه هيا إحدى أصول كلمه الراب ... كلمة Rapid هي كلمه ذات أصل لاتيني Rapidus . غالبا يصاحب الراب الموسيقى beat , و الأغاني يرافقها التحدث عن قضيه شائكه او قضيه مشوشه للمجتمع الذي تنحدر منه أصول الأغنيه . أبرز مغنيي هذا النوع هو الشعراء الشعبيين و أفراد العصابات و اللذين تأتي أصولهم من مجتمع تم فيه إجبارهم على الإنجراف في حياه العصابات و ذلك بسبب قسوه الحياه في تلك المناطق و عدم وجود أي فرص عمل زياده إلى توجه الجميع إلى طريق المخدرات و الإدمان و ذلك للإبتعاد عن قسوه الحياه . أصول الموسيقى اللي بتستخدم في الراب هي أيضا افريقيه و لكن بنكهه كيلتية . الراب يكون أصول لجميع الفنون الأمريكيه الأخرى البلوجراس إلى البلو , الروك و الميتال , الفانك و حتى الكانتري ميوزك . الراب هو نتيجه لكل هذه الثقافات الموسيقيه حيث أنه فكك أنغامها , أكد إيقاعتها , دمج موسيقاها و من ثم أضاف لها نكهته الخاصه لينتج لنا أحدث أنواع الموسيقى إنتشارا في العالم . الراب تطور داخل و خارج أمريكا ووصل إلى امريكا عن طريق الجامايكي kool herc و آخرون غيرهم , و بدايات الراب في امريكا كانت في حي Bronx بنيويورك في السبعينات . بداية ً كان الراب هو أن يوجد قاعه و بها خشبه مسرح و يوجد على المسرح DJ و يقوم أحد الرجال " Master of Ceremonies " أو MC و هو الرابر , يقوم هذا الرجل بالصعود الى المسرح و الصراخ بعبارات تشجيعيه للجمهور هذه العبارات لم تكن ذات قافيه او غيره و لكن كانت مجرد عبارات تشجيعيه . و معا مرور الوقت تطورت هذه الصرخات المشجعه من كلمات متناثره الى مجموعه من الجمل المقفاه و اللتي عرفت بال Rap . عمود الراب وقتها كان يغنا فقط في حفلات العطل الأسبوعيه . في الثمانينات نجاح بعض الجماعات التي تغني الراب أمثال Run-D.M.C , قاد نجاح هذه الجماعات الى إتنشار الراب التجاري " اللي بيتباع في محلات الموسيقى و الشرايط " . اما في نهايه التسعينات كان الراب قد حقق إنتشارا كبيرا داخل و خارج أمريكا . و معا بدايه الألفيه الجديده أصبح الراب هو الفن الأسرع انتشارا في العالم حيث انتشر الراب في ألمانيا , فرنسا , بريطانيا , اليابان , بلتغاريا , هولندا , البرتغال , اليونان و الشرق الأوسط و أصبح له ملايين المعجبيين حول العالم . و إن شاء الله سنة 2008 متوقع انها هتحمل نقله نوعيه في الراب . على فكره يا جماعه محمد علي كلاي كان من أوائل الناس اللي كانت بتقدر ان هيا تعمل مجموعه من الجمل المقفاه أكيد يعني من غير موسيقى بس كانت كلماته جامده .
# تاريخ الراب :موسيقى الراب و الهيب هوب يمكن تعقبها بعده طرق الى أصولها الأفريقيه , حيث انه منذ عده قرون " قبل ان يتم إكتشاف أمريكا " , كان يقوم بعض الأشخاص بإلقاء القصص على الطبول و الألحان المتناثره , كانت هذه القصص تلقى بقافيه معنيه . هذه الأصول إختفت مع مرور الوقت لأنها كانت مجرد قصص تتفاخر بيها القبائل . طبعا الراب ليه تاريخ قبل السبعينات بس المعلومات عنه متناثره و أيضا تخلتف بعضها عن الآخر لذلك فضلنا ان نبدا من السبعينات .

1- السبيعينات :

طبعا موسيقى الجاز و هيا اللي انا بعتبرها من الأعمده اللي قام عليها الراب . أشخاص أمثال Gil Scott-Heron و هو مغني جاز قام بعمل أغاني مثل The Revolution Will Not Be Televised الأغنيه ده تعتبر أقرب أغاني الجاز المشابه للراب , من أول الناس اللي بدأت تغني راب و كان أيضا هو ال DJ رجل جاميكي يدعى kool herc , هيرك الجاميكي المهاجر بدأ في توصيل بعض الجمل البسيطه بأسلوب الراب أثناء حفلاته في بدايه السبعينات . كما وضح ذلك هيرك في مقابله معه عام 1989 حيث قال – النص مترجم – " الفكره بدأت عندما كنت في جاميكا , حيث أني كنت من محبي الموسيقى الأمريكيه , و عندما جئت الى امريكا , فكرت في غناء الأغاني الجاميكيه , و كل ما كان علي عمله هو تقديمها بالأسلوب الأمريكي " . و أيضا Coke La Rock كان من أوائل الناس اللي استشهد بيهم هيرك على انه بيغني راب . بس لو هتيجي للإبداع فإن Melle Mel "من فريق The furious five " هو من أوائل الرابرز المبتكرون . المهم هو انه في نهايه السبعينات كان الراب قد انتشر في نيويورك و كان ايضا يبث أحيانا على قنوات الراديو , كما تزايد عدد الرابرز .
2- الثمانينات :من أواخر السبعينات حتى بدايه الثمانينات جهز melle mel الطريق إلى الرابرز في المستقبل عن طريق مناقشه الاحوال الإجتماعيه و التلاعب المتميز بالكلمات . الراب واجه اكبر تغيراته معا فريق Run D-M-C و اللي كانه بيغنوا rap\rock , و طبعا لن ينسى أحدنا البوم raising hell في منتصف الثمانينات الالبوم كان فيه على فكره اغنيه إسمها Walk this way معا الباند Aerosmith و هو باند روك . طبعا معا هذا الألبوم بدأت لغه العدوانيه و القوه في الطغيان على ال lyrics او الكلمات . الثمانينات أطلت على موجه كبيره من الراب اللذي يتاجر به , اول أغاني الراب اللي حققت نجاح كانت أغنيه Rapture . في هذا الوقت اقتصرت موسيقى الراب على الأحياء الفقيره فقط . أيضا شهد هذا العقد من الزمن ما يعرف حاليا بال old school rap , و ال old school إحتوت على مغنيين أمثال LL cool J , Run-D.M.C , Public enemy . يعرف هذا العقد من الزمن بال Golden age of hip hop و ده مش كلامي ده كلام مؤريخي الموسيقى الحديثه . الراب في هذا الوقت كان يتكلم غالبا عن المشاكل الإجتماعيه و مثال على ذلك ألبوم Yo! Bum Rush the Show من فريق Public enemy . و هنا بقى نوصل للتحول الرئيسي لموسيقى الراب و النقله الأقوى في تاريخه كله و هم المجموعه الشهيره ب N.W.A و هي إختصار ل Niggaz with attitude هذه المجموعه اللي أول لما بدأت بعمل ألبوماتهم إبتداءا ً ب N.W.A. and the Posse و إنتهاءا ً ب Niggaz4Life . حطمت هذه الجماعه المواصافات و باعت أكبر المبيعات رغم أنهم قوبلوا بلغه حازمه من الإعلام , عرفوا أيضا في ذلك الوقت ب most dangerous group in the world . كانت بدايه N.W.A هي بمثابه نهايه لل old school و بدايه للGangsta او ال G-Funk . طبعا ال Gangsta rap هو الأكثر رفضا في العالم لأنه يتمتع بأسلوب ملىء بالعنف و الحياه بلا مبالاه و غيره من الأشياء , بس هو الأكثر رفضا من الإعلام بس مش منا إحنا لأنه انا و حنيرا نتفق على ان الراب = Gangsta . للعلم N.W.A أعضائهم الرئيسيين كانوا DR.DRE , EAZY-E , Ice Cube , MC ren طبعا المجموعه تفككت عام 1992 و ذلك بسبب الخلاف بين Dr.Dre , EAZY-E ...... و طبعا إستمر ذلك الخلاف حتى توفى الأسطوره EAZY-E بسبب الإيدز في عام 1993 .

3- التسعينيات :

التسعينيات حملت لنا الكثير اذا لم يكن الأكثر في تاريخ الراب . في الثمانينات كان الراب في الغالب يتجه الى التراكيب و مركبات القافيه البسيطه , اما التسعينيات فقد حررت الراب من هذه الأساسيات و كانت التسعينيات هي عصر ال Gangsta الذهبي حيث ظهرت الكثير من الأغاني اللي صعب نلاقي منها في أي مكان تاني و صعب تطلع زيها تاني , كان هذا التغير على طرفين رئيسيين هما ال east coast " نيويورك " و ال west coast " لوس آنجلوس و كالفيرونيا " هذان المنطقتان حملتا لنا أسلوبا مختلف متمثل في مجموعه من أساطير الغناء اللي أي واحد بيسمع موسيقى أكيد عدا عليهم , اما الساحل الشرقي فجلب لنا أسلوب أكثر عدائيه و وحشيه ممثلا في الأساطير Biggie و Wu-Tang Clan , و الساحل الغربي جلب لنا أسلوب أكثر سلاسه و و حريه ممثلا في الملك و الأفضل في تاريخ الراب حتى الآن الرجل اللذي باع أكثر من 75 مليون ألبوم حول العالم و هو Tupac و هناك أساطير أخرى أمثال Dre و snoopy . و تميزت التسعينات بظهور خلاف شرس بين هذين القطبين , هذا الخلاف أودى بحياة الكثيرين و كان من أهم ضحاياه Tupac و Biggie حيث قتل الإثنان في حوادث إطلاق نار . كما تميزت هذه الحقبه بظهور ال Classic rap كعامل أساسي للدفاع عن النفس و من أقوى أغاني هذا النوع على الإطلاق ظهرت أيضا في هذه الحقبه و هي أغنيه Hit 'em up و يتميز هذا النوع بعدوانيه شديده و كلمات غير مسموح بها لمن هم أقل من 18 . و في نهايه هذا العقد ظهر لنا الرابر الأكثر شهره في العالم حاليا و هو EMINEM .

4- الألفيه الجديده :

كفايه انه انا اقولك انه NAS قال إنه الراب و الهيب خلاص انتهوا و الألبوم اللي قال فيه كده هو Hip Hop is dead ..... بس بإذن الله 2008 هتحمل لينا الكثير و الكثير من المفاجآت . و هترجع الراب لأصله و نتمنى من السنه ده ان هي توصل بالراب للقمه , و فيه ألبومات زي Nigger نازله السنه ده و بيتهيألي الألبوم ده هيخرب الدنيا بجد


نهاية الكلام :

يا ريت يا جماعة نسيب العادات الوحشه اللي متأصلة عندنا ورانا . و مش دايما نبص لقشور و غطيان الحضارات اللي جايلنا من بره , واحد سمع تراكين lil Jon على تراك Eminem يقولك كده خلاص انا بقيت ملك , و يروح يشتري لبس رابرز و يفقع الباندانه و يضرب فوقيها الكاب و انتا لو جيت كلمته عن الراب تلاقيه لبيفهم لا في الطور و لا في الطحينه . و كمان لازم نغير وجهة نظرنا للراب افتكروا يا جماعة الفن ده طلع ألبوم اسمه Islamic و ألبوم إسمه Makavile الفن ده أصله هو المعاناه و الصراعات الي الناس بتعيش فيها .

أخيرا نصيحه مني ليك يا ريت تبعد عن الأغاني بتاعت المخدرات و الكلام الفاضي ده , لأن سدقني موسيقى الراب من أكثر الموسيقى تأثيرا على البني آدم , و لو مخدتش بالك من نفسك هتلاقي نفسك ورى الناس كلها .

THANKS

mahmoud oka
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يعنــــى ايــــه Rap
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كان في وخلص :: قسم الاغانى :: اغانى راب-
انتقل الى: